2024 оны 10-р сарын 2 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2024 оны 10-р сарын 2 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2024-10-21                                                                                                             Есөнбулаг сум

10 хоногийн тойм бичвэр: Говь-Алтай аймгийн нутгаар 2024 оны 10-р сарын хоёрдугаар арав хоногийн байдлаар агаарын дундаж температур Алтайн өвөр говиор 9.2-9.8 градус дулаан, бусад сумдад 0.0-8.0 градус дулаан байлаа. Агаарын хамгийн их температур Шаргад 24, Тооройд 22, Бигэр, Халиунд 21 градус дулаан, бусад сумдад 12-19 градус дулаан байлаа. Агаарын хамгийн бага температур Эрдэнэд -15, Чандманьд -14, Тонхилд -11, Бугатад -10, Бигэрт -9 градус хүйтэн, бусад сумдад -1-8 градус хүйтэн байлаа.

Хөрсний гадаргын дундаж температур Хүйс, Бигэрийн говь хоолой, Алтайн өвөр говиор 9-11 градус дулаан, бусад нутгаар 2-8 градус дулаан байлаа. Хөрсний гадаргын хамгийн их температур Алтайд 39, Шаргад 38, Тооройд 37, Жаргаланд 35, Бигэр, Гуулин, Дэлгэр, Халиунд 34, бусад сумдад 30-33 градус дулаан байлаа.

Хөрсний гадаргын хамгийн бага температур Бугат, Тонхилд -13, Цогт, Эрдэнэд -10, Баян-Уул, Дэлгэр, Чандманьд -9, Гуулинд -8, Жаргалан, Тайширт -7, бусад сумдад -2-6 градус хүйтэн байлаа.

Хур тунадасны хувьд нийт нутгийг хамарсан ба Бугатад 25.6 мм, Даривт 15.5 мм, Есөнбулагт 12.8 мм, Тонхилд 14.8 мм, Хөхморьтод 14.0 мм, Баян-Уулд 10.3 мм, Эрдэнэд 8.3 мм, Чандманьд 7.5 мм, Гуулинд 5.8 мм, Тооройд 4.9 мм, Алтайд 0.8 мм, , Жаргаланд 4.3 мм, Төгрөгт 4.0 мм, Шаргад 3.6 мм, Бигэрт 3.4 мм, Цогтод 1.8 мм, Тайшир, Дэлгэрт 1.3 мм, Цээлд 0.0 мм хур тунадас орсон байна. Харин Халиунд хур тунадас ороогүй байна.

Салхины хамгийн их хурд Шаргад 24 м/с, Бугатад 23 м/с, Алтай, Тонхилд 20 м/с, Хөхморьтод 19 м/с, бусад газруудад 9-16 м/с хүрч шороон шуурга шуурсан байна. Нийт нутгаар 10 м/с-ээс дээш салхитай өдрийн тоо 1-9 өдөр байлаа.

Малын усан хангамж: Малын усан хангамж сайн.

Малын тарга хүч: Малын тарга хүч дунд зэрэг байна.  

Малын хорогдол: Малын хорогдлын мэдээгээр мал хорогдсон гэсэн мэдээ багийн дарга нараас ирээгүй байна.

Цасны мэдээ: 2024 оны 10-р сарын 21-ний байдлаар Эрдэнэд 16 см, Бугатад 12 см, Тонхилд 6 см, Чандманьд 3 см, Баян-Уул, Цогтод 2 см, Есөнбулагт 1 см, Дэлгэр, Гуулин, Даривт 0 см зузаан цастай, 1-10 баллын бүрхэц тогтсон. Цасны нягт Бугатад 0.15 г/см³, Эрдэнэд 0.11 г/см³, Тонхилд 0.02 г/см³ гэж тодорхойлсон байна. Говь-Алтай аймгийн нийт нутгийн 5 хувьд цасан бүрхүүл тогтсон байна.

           Хянасан: Цаг уурын хэлтсийн дарга                              / Т.Дэлгэрмаа /

        Тойм бичсэн: ХААЦУ хариуцсан ерөнхий технологич ᠮᠡᠰᠢᠭᠳᠣᠷᠵᠢ ᠶᠢᠨ ᠭᠦᠨᠪᠢᠯᠢᠭ  / М.Гүнбилэг /